Hay’ada Tadaamun oo deeq Raashiin ah gaarsiisay Qaxootiga Yemaniyiinta Qardho.[Masawiro]

Qardho:-Hay’ada Tadaamud ayaa waxaa ay deeq raashiin ah soo gaarsiisay qoxootiga Yemaniyiinta ee ku dhaqan magaalada Qardho iyo weliba Agoomaha Iskuulka Daarul Xanaan Qardho. Deeqdan ayaa ka timid Dowlada Turkiya, waxayna ahayd mid ka kooban Qayabaha kala duwan ee Raashiinka Sida Bur Bariis Sonkor, Saliid iyo timir.

Masuul kasocday Hay’ada Tadaamun ayaa ugu horayn ka hadlay goobtii lagu bixinayay Raashiinkan wuxuuna sheegay in Raashiinkan uu kayimi Dowlada Turkiya looguna talagalay 200 oo qoys oo qoxootiga Yamaniyiinta ah iyo 100 kamid ah agoomaha Kuleejka Daarul Xanaan Qardho.

Qoxootiga Yamaniyiinta ee deeqda lasoo gaarsiiyay ayaa dhankooda ka mahadceliyay deeqdan katimi Walaalahooda Turkiya waxayna sidoo kale ka codsadeen inay u baahanyihiin adeegyada asaasiga ah ee bulshada sida waxbarasho iyo caafimaad

C.qaadir Yaasiin Maxamed oo ah madaxa goobta ay deganyihiin qoxootiga ayaa dhankiisa ka mahad celiyay raashiinkan lasoo gaarsiiyay sidoo kalena Xusay inay jiraan Baahiyo kale oo ay qabaan qoxootiga ee kugsugan Qardho.

Masuuliyiintii kasoctay Dowlada Turkiga ayaa dhankood sheegay inay dadka soomaalida iyo Yamani yiintaba ay walaalahooda yihiin sidaa daraadeed dhibta halkan ka jirta ee haysata  dadka Yamaniyiiinta ah ay u gudbin doonaan shacabka Turkiya iyo dowladooda uu hormuudka u yahay madaxweyne Rajab Dayib Ordagan.

Ma’ahan markii ugu horaysay oo qoxootiga Yamaniyiiinta lasoo gaarsiiyo Raashiin Noocaan oo kala ah waxaa is daba jooga ah gurmadka loo fidinayo shacabka kasoo barakacay dagaalada Dalka Yeman.

no images were found

Halgan.net