Hey’addaha Ammaanka oo ka warbixiyay weerarkii saaka ka dhacay Muqdisho

Muqdisho:-Wasaarada Amniga Gudaha ee DFS ayaa soo bandhigtay meydadka saddex ruux oo ka tirsan kooxda Al-Shabaab kuwaas oo weerar saaka ka geystay magaalada Muqdisho, gaar ahaan meel ku dhaw xarun ciidanka Nabad Suggida lagu tababaro.

Afhayeenka Wasaarada Amniga Gudaha Maxamed Yuusuf Cismaan ayaa u sheegay Saxaafadda in ciidamada ay fashiliyeen weerarkaan ka dib markii ay ogaadeen in Al-Shabaab weerar ku soo yahay,

Maxamed Yuusuf Cismaan Afhayeenka Wasaarada Amniga Gudaha ee DFS ayaa sheegay in ciidamada ay joojiyeen gaari Nuuciisu ahaa NOHA oo walxaha qarxa laga soo buuxiyay ka dib markii uu ka dhaga Adeegay in uu joogsado ay ciidanka toogteen.

Maxamed Yuusuf ayaa sidoo kale warbaahinta u sheegay in ay dileen labo ka mid ah, raggii hubaysnaa, ka dib markii ay baabuurka ka dageen oo ay galeen guri ku yaal Meel ku dhaw Iskuulkii hore ee Degmada Shibis.

Dugsiga Degmada Shibis ayaa ah haatan goob lagu tababaro ciidanka nabadsugida ee DFS  .Weerarkan ayaa waxaa masuuliyadiisa sheegtay kooxda Al-Shabaab waxayna sheegeen in ay dileen askar ka tirsan DFS.

A/Cawale
Halgan.net