Kulana Dhex Maray qaar ka mid ah Salaadiinta S/land iyo ardayda Machadka Sare (Masawiro)

Hargaysa : kulan qado sharaf ah oo si wayn loo soo agaasimay ayaa maalintii shalay wuxuu ka dhacay Hotel Golis ee magaalada Hargeysa ee Xarunta S/land. kulankan ayaa waxa uu ahaa mid looga gol lahaa is barashada ardayda machadu caali iyo salaadinta waxan martiqaadkiisa lahaa suldaan C/raxmaan c/laahi oo ka mid salaadiinata S/Land.
Dhanka kale waxa kulankan ka soo qayb galay Suldaan Cismaan Suldaan Cali Suldaan Madar oo ah suldaanka guud ee beesha Habar yoonis iyo Suldaan Yuusuf Maxamed Xiiray .

Kulankan oo aad loo soo agaasimay ayaa dadka ka soo qayb galay waxa ka mid ah ganacsato , ardayda machadaka , macalimiinta machadu caali , iyo culimo iyo ducaad aad u tiro badan .

Ugu horayn waxa kalmad furitaan ah soo jediyey maamulaha machadu caali oo ka war bixiyey machadka iyo qiimaha uu ugu fadhiyo bulshada isga oo mahad naq balaadhan u soo jeediyey sulaadiinta howshan soo agaasimay .
Dhanka kale waxa isna kalmad qiimo leh soo jeediyey Sheikh c/raxmaan axmed oo ah sheekha tafsiir ka dhiga Masaajidka Cali Mataan ee badhtamaha magaalada hargaysa , waxa uu sheekhu aad u goobaabiyey ardayda isga oo sheegay in uu machadkani yahay mid muhiima ah aan horena loo arag mid isaga la mid ah sidaa darted ardaydana laga rabo in ay la yimaadaan da,daal iyo nashaad cusub.

Qaar ka mid ah ardayda machadka wax ka barata ayaa iyaguna cabiray dareenkooda mahad naq balaadhana u soo jeediyey suldaanka soo agaasimay kulankan iyo guud ahaan bulshada ku dhaqan Hargeysa salaadiin iyo culimaba .

Suldaan c/raxmaan c/laahi oo ah suldaanka lahaa marti qaadka ayaa isaguna dhankiisa sheegay sida uu ugu faraxsanyahay kulanakan isga oo sheegay in uu isaga qudhiisu wax ka barto machadka oo uu si joogto ah u xaadiro xiisadaha qaarkood isaga oo sheegay in uu sii wadi doono inta uu nool yahay in uu arday ka ahaado machadu caali .
Suldaan Yuusuf Maxmed Xiiray ayaa isaguna dhankiisa ku dhiiri galiyey ganacsatada in ay garab istaagaan machadka.

no images were found

Guntii iyo gababadii ayaa waxa soo afmeeray munaasibada suldaan cismaan suldaan cali suldaan madar waxanu balan qaaday in ay machadka garab istaagi doonaan.

Musasat Al-Karam
Hargeysa