Mu,asasada Al-Karam oo deeq lacaga gudoonsiisay 30 qoys oo ku sugan Hargeysa (Masawiro)

Hargaysa:- Mu,asasada Al-karam ee dacwada iyo horumarinta ayaa shalay jimcihii waxay deeq lacag ah u qaybisay qoysas ka mid ah qoxootiga ku sugan magaalada Hargaysa. Qoysaskaan ayaa tiradoodu dhanayd 30 qoys oo ah Yemaniyiin ka soo barakacay dalka aynu walaalaha nahay ee Yeman oo bilihii ugu danbeeyey ay ka socdeen dagaalo.

Munaasibadii lagu gudoonsiinayey deeqda ayaa waxa ka soo qayb galay gudoomiyaha mu,asasada al-karam Sh.Faysal Muxamed Cumar iyo gudoomiye ku xigeenkiisa Maxamed Xuseen Cali oo halkaan ka jeediyey kalmado iskugu jira mahad naq ay u mahad naqayaan cidii la soo baxday deeqdaan iyo baaq ay u dirayaan dadka muslimiinta ah in ay u soo naxariistaan walaalohooda ku tabaalaysan dalka gudihiisa gaar ahaan magaalooyinka Berbera & Hargaysa.

Dhanka kale waxa ka soo qayb galay wasiirka dib u dajinta S/land iyo wasiir ku xigeenka arrimaha gudaha oo iyaguna dhankooda u mahad celiyey Mu,asasada iyo muxsiniinta ku soo hagaajiyey deeqdan.
Qosaskan oo aad u tabaalaysnaa ayaa waxa la siiyey qoyskiiba 100 $ oo ah lacagta maraykanka .

no images were found

Deeqdan ayaa waxa la soo diray iskaashato soomaaliyeed oo la yidhaahdo Somkaab/Somcap waxanay ku soo hagaajiyeen mu,asasada al-karam.

Ugu danbeyn waxay mu,asasadu ugu baaqaysaa walaalaha muslimiinta ah gaar ahaana umada soomaaliyeed in ay garab istaagaan oo ay ku eegaan il naxariiseed walaalaha soomaaliyeed iyo Yeman taba isugu jira ee ka soo barakacay dalka yeman iyada oo mu,asasaduna diyaar u tahay in ay si xilkas nimo leh u gaadhsiiso ciddii loogu tala galay .

Maktabka iclaanka ee
Mu,asasatu al – karam