Wasiirada cusub ee Amniga , Maaliyadda iy Xanaanada xoolah oo xilka la wareegay

Garoowe:-Wasiirka cusub ee Wasaarada Amniga dowladda Puntland Cabdi Xirsi Cali Qarjab ayaa maanta si rasmi ah waxaa uu xilka kala wareegay wasiirka hore ee amniga dowladda Puntland Xassan Cismaan Aloore.

Wasiirka cusub ee Wasaarada Amniga dowladda Puntland Cabdi Xirsi Cali Qarjab ayaa waxaa uu uga mahad celiyey sidda hufan ee wasiirka hore ee amniga dowladda Puntland Xassan Cismaan Aloore xilka ugu wareejiyey isagoo dhanka kale ugu baaqay bulshada reer Puntland dhamaantood in ay si wada jir ah ula shaqeeyaan laamaha amniga si looga hortago kuwa doonaya in ay wax u dhimaan amniga guud ee Puntland.

Sidaas oo kale wasiirka Maaliyada cusub ee dowladda Puntland Cabdulaahi Shiikh Axmed ayaa waxaa uu xilka kala wareegay wasiirkii hore ee Maaliyadda Shire Xaaji Faarax isagoo xusay in wasiirii hore uu shaqo wanaagsan uu ka qabtay wasaaradda Maaliyadda.

Hoos ka Daawo Wasiirka Maaliyadda cusub ee DPL oo la wareegay xilka

Waxaa kale oo Wasiirka cusub ee wasraadda beeraha iyo waraabka Puntland Cabdilaahi Cali Xirsi (Timacade) uu isagana xilka waxaa uu ku wareejiyey wasiirka Cusub ee Xannaanada Xoolaha Cabdijamaal Cismaan.

Hoos ka Daawo Wasiirka Xanaanada Xoolaha DPL oo la wareegay xilka

M_M_Deeq
Halgan.net