Ra’iisal wasaare Sharmaake oo safar ku imaanaya magaalada Garoowe

Garoowe:-Ra’isal wasaaraha dowlada Federaalka Soomaaliya Dr.Cumar Cabdirashid Cali Sharmaake ayaa la filayaa in maalmaha soo socda uu soo gaaro magaalada Garoowe ee xarunta dowladda Puntland. Ra’isal wasaaraha dowlada Federaalka Somalia Dr.Cumar C/rashid iyo wafdiga la socda ayaa laga sugayaa magaalada Garoowe xili xiriri u dhexeeya dowladda Federaalka Soomaaliya iyo Puntland uu xumaaday.

Safarka Ra’isal wasaaraha dowlada Federaalka Soomaaliya Dr.Cumar Cabdirashid Cali Sharmaake iyo wafdgiisa ay ku imaanayaa Garoowe ayaa ku soo beegmaya xili magaalooyina waaweyn ee Puntland ay dhaceen banaanbaxyo looga soo horjeedo madaxda Dowladda Federaalka gaar ahaan Madaxweynaha iyo gudoomiayaha Baarlamaanka DFS.

Dhinaca kale waxa magaalada Garowe ku soo fool leh wafti uu hogaaminayo madaxweynaha maamulka Jubaland Axmed Madoobe iyo wafdi uu hogaaminayo oo kulan la qaadan doona madaxda dowladda Puntland , Maamulka Jubaland ayaa horey xiriirka ugu jarey dowlada madaxweyne Xassan Shiikh ka dib markii Baarlamaanka Dowladda Federaalka Soomaaliya cod mooshin ah u qaadeen Baarlamaanka maamulka Jubaland.

M_M_Deeq
Halgan.net