Maamulaha College-ka Abu-Hurayra oo ka hadlay dab qabsaday College.[Video/Masawiro]

Laascaanood:-Waxaa saaka abaarihii 5:00 Am dab uu qabsaday goob waxbarasho oo ku taallada Xaafada Ex-Kaantarool , ee dhinaca waqooyi Bari ee magaalada Laascaanood ee xarunta Gobolka Sool.Dabkan oo ka dhashay Taraq(Kibriid)la qabadsiiyay Laambada mid ka mid ah qolalka ay degan yihiin ardayda wax ka barta College kani . Goobtan oo ahayd Boodhan(Meel lagu xareeyo caruurta si loo baro Diinta iyo Akhlaaqda Suuban ayaa waxaaa ku xaraysnaa tiro boqol ahaan gaadhaysa.

Dabkan ayaa waxaa ka dhashay khasaare ba’an oo maal ah iyadoo arrinka dhacay uu sabab u ahaa mid ka mid ah ardayda wax ka barata Machadka isaga oo u isticmaalay Taraq iyo Gaas uu qabad siiyay Laabmadii ku xidhnayd qolkii uu ku jiray.

Maamulaha College-ka Sh Ilyaas Maxamuud C/Raxmaaan oo Saxaafada la hadlaya ayaa sheegay in ay ku guulaysteen in ay bad baadiyaan dhamaan ardaydii ku jirtay goobtan , isla markaana ay gacanta ku dhigeen ardaygii sababay khasaarahaan , iyo laba arday oo Iyana ku caawiyay inuu fuliyo falkan.

Sidoo kale , wuxuu sheegay maamuluhu in aanay khasaarahani ka imaan shook , ku kacay guriga. Boodhankan oo lagu magacaabo Abu-Hurayra ayaa waxaa ka soo baxay 22-ka Arday ee ugu Sarreeyay 32 dii ardya ee ugu sarreeyay guud ahaan gobolka Sool Tartanka Xifdinta Qur’aan ka Ramadaantii aynu soo dhaafnay , iyadoo Boodhankani uu yahay mid loo aqoon saday kan ugu tayada wanaagsan boodhanada ku yaalla magaalada Laascaanood .

no images were found

Hoos ka Daawo xarunta waxbarasho oo ku gubatay magaalada Laascaanood ee Gobolka Sool

En Mawliid Isma Haradigeed
Laascaanood,Somalia