Laamaha Amaanka ee Muqdisho oo Fashiliyey Qarax Khaasaro badan Geysan lahaa (Daawo)

Muqdisho:-Wararka ka imanaya magaalada Muqdishu ayaa sheegaya in laamaha amaanka ee magaalada Muqdisho ay fashiliyeen gaari laga soo buuxiyey walxaha qarxa oo la soo dhigay meel u dhow halka lagu magacaabo Xaaji Baasto oo ku taal wadada Maka Al-Mukarama.

Goobjoogayaal ka dhawaa goobta uu Qaraxu ka dhacay ayaa waxaa ay warbaahinta u sheegeen in ciidamada Booliska ay ka shakiyeen gaariga la soo dhigay wadada ka dibna ay labada dhinac ka xireen wadada in yar ka dibna uu qarxay gaariga

Qaraxa ayaa waxaa la sheegay in dhaawac fudud uu ka soo gaaray 2 askari oo aan sidaa uga fogeyn halka qaraxu ka dhacay.

no images were found

Afhayeenka Wasaaradda amniga Dowladda Federaalka Soomaaliya Axmed Maxamed Maxamuud (Sayid Carab) iyo Afhayeenka Ciidamada Booliska Qaasim Axmed Rooble ayaa si wadajir ah uga hadlay qarax galabta ay fashiliyeen ciidanka Amaanka waxayna amaan u soo jeediyeen ciidamadii howshaas qabtay.

A/Cawale
Halgan.net