Wararkii ugu danbeeyey ee dagaalka ka dhex socda Al-Shabaab iyo Abuu Mansuur

Baydhabo:-Kooxda Al-shabaab ayaa maanta mar kale weerartay Saldhigga uu wadaadka Abu Mansuur Roobow ku leeyahay duleedka deegaanka Abal  waxaana dagaalka uu socday mudo ka badan 2 saac waxaana dagaalka ka dhashay khasaaro leh dhimasho iyo dhaawac .

Maleeshiyada Daacadda ah Abu Mansuur ayaa deegaano ka saaray Kooxda Al Shabaab oo shalay qabsaday  tuulada Abal ee gobalka Bakool ee Koonfurta Soomaaliya.

Al-Shabaab gurmad kala duwan uga yimid gobalka Sh /Hoose  iyo Hiiraan waxaana ay caawa Al-Shabaab ku sugan yihiin degaanka Labaatan Jirow  ka dib markii dib looga soo riixay deegaano ay shalay  ku soo durkeen .

Wararkii ugu danbeeyey ee soo gaaray Halgan.net oo ay ka heshay ilo wareed lagu kalsoon yahay ayaa sheegaya in Al-Shabaab iyo Abu Mansuur ay isku hub uruursanayaan Abu Mansuur waxaa uu taageero ka helayaa beeshiisa waxaana xaalada ay ku xuntahay Abu Mansuur oo u Dhexeeya ciidanka DFS ,Itoobiyaan iyo Al-Shabaab. Halka Al-Shabaab ay ka baqanayaan diyaarado dul heehaabaya Deeegaanada dagaalada ka socdaan.

C/Casiis Maxamed
Halgan.net