Taliyihii hore ee ciidanka Birmadka gobalka Mudug oo lagu dilay Gaalkacyo

Gaalkacyo:-Allaha u naxariistee waxaa caawa lagu dilay magaalada Gaalkacyo ee xarunta Gobolka Mudug Taliyihii hore ee ciidanka Birmadka gobalka Mudug Col.C/rashiid gabi gabi, Allaha u naxariistee Taliyaha ayaa waxaa toogtay koox hubaysan xil uu ku sugnaa kuna tukaday salaadii cishe Masjidka dulqarnayn ee magaalada Gaalkacyo.

Taliyihii hore ee ciidanka Birmadka gobalka Mudug C/rashiid gabi gabi ayaa xiliga la dilay aysan la socon wax istaaf ah maadaama uu salaadii cishe uu ku soo tukaday Masjidka dulqarnayn . kooxaha dilalka ka fulay magaalada Gaalkacayo gaar ahaan dhinaceeda Waqooyi ayaa inta badan dilalkooda la beegsada qofka ay rabaan in ay dilaan xili uu ka soo baxayo Masjidka uuna soo tukaday salaada cishe ama Maqrib.

Allaha u naxariistee Taliyihii hore ee ciidanka Birmadka gobalka Mudug C/rashiid gabi gabi ayaa waxaa meydkiisa la dhigay Cisbitaalka guud ee magaaladda Gaalkacyo.

Dilka Taliyihii hore ee ciidanka Birmadka gobalka Mudug C/rashiid gabi gabi ayaa waxaa uu ku soo beegmayaa xili magaalada Gaalkacyo ay bilihii danbe aysan ka dhicin wax dilal qorshaysan ah maadaama magaalada loo sameeyey ciidamo isku dhaf ah oo suga amniga magaalada.

M_M_Deeq
Halgan.net