Madaxweynaha JFS oo gaaray magaalada Kismaayo

Kismaayo:-Madaxweynaha Dowlada Jubaland Mudane H.E Ahmed Mohamed Islaam, ayaa maanta garoonka diyaaradaha Sayid Maxamed Cabdille Xasan kusoo dhaweeyay Madaxweynaha Jamhuuriyada Federaalka ah ee Soomaaliya Mudane Xasan Sheekh Maxamuud iyo wafdi uu hogaaminayo.

Waxaa sidoo kale soo dhawaynta qeyb ka ahaa Madaxweyne ku xigeenka labaad Mudane Cabdiqaadir Xaaji Maxamuud, gudoonka Baarlamaanka, masuuliyiinta labada gole ee Dowlada Jubaland iyo boqolaal dadweyne ah.

Madaxweynaha ayaa Inta uu ku sugan yahay Jubaland wuxuu kulamo miro dhal ah la yeelan doona qeybaha kala duwan ee bulshada iyo madaxda Dowlada Jubaland.

—-Dhamaad—