Raisulwasaaraha JFS oo tacsi u diray shacabka magaalada Baladweyne

Muqdisho:-Waxaan ka tacsiyeynayaa shacabka Soomaaliyeed ee sida naxariis darrada ah Khawaarijtu ugu laysay magaalada Beledweyne maanta.

Qaraxa Beledweyne waa fal argagixiso oo fuleynimo ah oo Khawaarijtu ku baabi’inayaan shacabka markii looga soo adkaaday furimaha dagaalka, sababta ay u bartilmaameedsanayaan waxa weeye in magaalada Beledweyne ay ku suntan tahay dabargoynta Khawaariijta.

Maalmaha u haray Khawaarijta waa ay tirsan yihiin — dowladda iyo shacabka Soomaaliyeed oo wadajira ayaana ka guuleysan doona.

Waxaan Allaah (SWT) uga baryayaa inta ku shahiidday qaraxa Beledweyne inuu jannadii Fardowso ka waraabiyo, inta ku dhaawacantayna caafimaad degdeg ah siiyo

——–Dhamaad—–