Furitaanka Masjidka Al Tawxiid Ee Copenhagen iyo Muxaadaraadkii Culumada ka jeediyeen(Masawiro+Vedio)

Waxaa si rasmi ah loo furay Masjidka Al Tawxiid ee magaalada Copenhagen ee dalka Denmark waxaana alle mahadsiisa la furay Markazka Cusub ee Al Tawxiid ee magaalada Copenhagen.

Culumada iyo waxagardka magaalada Copenhagen ayaa dadaal dheer ku bixiyey in la helo Markaz kii hore ka weyn ka dib markii Markazkii hore Al Tawxiid ay u baahdeen qoladii guriga lahayd.

Markazka Cusub ee Masjidka Al Tawxiid ayaa ka weyn hore kii hore loogu jiray waana guulweyn oo u soo hoyatay jaaliyada Soomaaliyeed ee ku dhaqan denmarka gaar ahaan magaalada Copenhagen oo marwalba safka hore kaga jira kheyrka .
Xaflada furitaanka Masjidka Al Tawxiid waxaa ka soo qeyb gali doona inshalaah culumada kala ah.
1- Sheekh Dr Caraxmaan Sheekh Cumar
2-Sheekh Dr Mohamed Sheekh Cismaan
3-Sheekh Dr Sheekh Maxamuud Shible
4-Sheekh Dr Cismaan A. Farah
5-Sheekh Mohamed Daahir
6-Sheekh Ahmed Yare.
Xaflada Furitaanka ee Masjidka Al Tawxiid ayaa waxaa kalimad Furtiaanka ka jeediyey Gudoomiyaha Masjidka Al Tawxiid Jaamac Cawil isaga oo ka warbixyey xaalada uu soo maray Masjidka Al Tawxiid iyo guulaha ay gaareen isaga oo ugu baaqay shacabka Soomaaliyeed ee ku dhaqan magaalada Copenhagen inay garbaha is qabsadaan una guntadaan sida ay Masjidka Al tawxiid garab siin lahaayeen .
Gudoomiyaha Masjidka Jamac ayaa Makarafoonka ku soo dhaweeyey Gudoomiyaha Maaliyada Masjidka Al Tawxiid Sheekh Clahi Macalin Xasan wuxuuna Sheekh Claahi ka warbixiyey dhaqaalada Masjidka lagu dhisay iyo dhaqaalada guud ee Masjidka looga baahan yahay. Intaas ka dib ayaa waxaa bilaawday yabooha iyo Ururuurinta lacagta Masjidka iyada oo dadweynihii soo camiray Furitaanka Masjidka Al Tawxiid ay yaboohee lacago kala duwan .Culumada ayaa u duceysay dhamaan dadweynihii lacagaha sadaqeystay .

no images were found

Hoos ka Daawo Dhamaan Muxaadraadkii laga jeediyey Furitaanka Masjidka Al Tawxiid 1- Xaflada Furitaan Masjidka Al Tawxiid ee Copenhagen 2-Xaflada Furitaanka Masjidka Al Tawxiid 2 Sheekh Maxamed Daahir 3-Shaqankii Nabi Maxamed CSW Sheekh Maxamed Daahir. 4-Xakiim Luqmaan Sheekh Dr Cismaan 5-Dardaaran Dhalinyarada Sheekh Horseed Nuux

Barakalahu feekum
Masjidka Al Tawxiid
Denmark
Halgan.net