Dowlada Soomaaliya oo Shaacisay dilka Hogaamiyihii Al-Shabaab Ee gobalka Banaadir

Muqdisho:-Wasiirka Warfaafinta Soomaaliya Eng Cabdiraxmaan Cumar Yariisoow Ayaa sheegay in Ciidamada Dowlada Soomaaliya iyo Kuwa huwanta oo is kaashanaya ay ku guuleeysteen in ay dilaan hogaamiye sare oo katirsan Al-Shabaab waxaana uu hadalkaas ku sheegay Warsaxaafadeed.

Eng Yariisoow Wasiirka Warfaafinta Soomaaliya ayaa sheegay in duqeeyn laga Fuliyay Gobolka Sh/hoose lagu dilay Cali Maxamed Xuseen “Cali Jabal” oo ahaa Gudoomiyihii Al-Shabaab ee Gobolka Banaadir.
Wasiirka Warfaafinta Soomaaliya ayaa waxaa uu sheegay in duqeyn lagu dilay “Cali Jabal” inkasta oo uusan wax faahfaahin ah uusan ka bixin .
Wasiirka Warfaafinta Soomaaliya Eng Cabdiraxmaan Cumar Yariisoow ayaa waxaa uu sheegay in howlgalada lagu baacsanayo hogaanka iyo saraakiisha Al-Shabaab ay sii socon doonaan.

Gobolka Sh/hoose ayaa ciidamada Mareykanku waxay ku dileen tiro badan oo ka tirsan Saraakiisha kooxda Al-Shabaab iyo Muhaajiriin ka garab dagaalamayey.

A/Cawale
Halgan.net