Diyaaradii siday Meydka Boqor Cabdullahi Boqor Musse oo gaartay Qardho

Qardho:-Waxaa goordhow soo caga dhigatay magaalada Qardho ee xarunta gobalka Karkaar Diyaaradii siday Meydka Boqor Cabdullahi Boqor Musse waxaana garoonka ku sugayey Masuulin ka tirsan Puntland ,J/land iyo qaraabada alaha u naxariistee Boqor Cabdullahi Boqor Musse.

Meydka Marxuum Boqor Cabdullahi Boqor Musse ayaa hada waxaa loo qaaday Qabuuraha magaalada Qardho, halkaasi oo ay ku sugan yihiin dadweyne aad u badan oo uu ka mid yahay Madaxweynaha Puntland Dr.C/raxmaan Maxamed Faroole ,Madaxweynaha Jubaland Ahmed Madoobe  iyo wafdi ka socda  maamulka Soomaalida Itoobiya .

Waxaa sidoo kale aaska Boqor Cabdullahi Boqor Musse ka soo qeyb galay Isimada ,Waxgaradka ,Nabadoonada Puntland iyo salaadiin kale oo ka timid gobalad dalka Soomaaliya.

Amaanka magaalada Qardho ayaa si weyn loo adkeeyey waxaana la adkeeyey isku socdka magaalada Qardho ,waxaa kale oo Degmada Qardho soo buuxdhaafiyey masuliin ka tirsan labada gole ee Puntland.

M_M Deeq
Halgan.net