Madaxweynaha Puntland Dr.C/weli Maxamed Cali Gaas oo gaaray degmada Goldogob

Goldogob :-Wafdi uu hogaaminayo madaxweynaha Puntland Dr C/weli Maxamed Cali Gaas ayaa saaka gaaray degmada Goldogob ee gobalka Mudug, iyagoo ka tegay magaalada Gaalkacyo ee xarunta gobolka Mudug oo dhowr maalmood uu ku sugnaa.Wafdiga uu hogaami nayo Madaxweynaha Puntland Dr.C/weli Maxamed Cali Gaas ayaa waxaa safarkiisa ku weheliya Wasiiro, Xildhibaano, Saraakiil ciidan iyo maamulka Gobolka Mudug.

Madaxweynaha dowladda Puntland Dr.C/weli Maxamed Cali Gaas ayaa inta uu ku sugan yahay degmada Goldogob waxaa uu kulamo la qaadan doonaa odayaasha dhaqanka iyo maamulka degmada Goldogob isagoo ka dhagaysan doono warbixino iyo xaalada guud ee degmada
Goldogob.

Safarka Madaxweynaha Puntland Dr.C/weli Maxamed Cali Gaas ayaa waxaa uu noqonayaa safarii ugu horeeyey oo madaxweyne ka tirsan Puntland uu ku gaaro degmada Goldogob ee gobalka Mudug taas oo noqonaysan talaabo horay ay u qaadeen dowladda Puntland ee uu madaxweynaha uu ka yahay Dr.Gaas.

Safarka Madaxweynaha Puntland uu ku tegay degmada Goldogob dib ayaan idinkaga soo gudbin doonaa faahfaahinta insha Allaahu.

M_M_Deeq
Halgan.net