Madaxweynaha Turkiga Recep Tayyip Erdoğan oo mashaariic xariga ka jaray kana dhoofay Muqdisho[Masawiro]

Muqdisho:-Madaxweynaha dalka Turkiga Recep Tayyip Erdoğan oo maanta soo gaaray magaalada Muqdisho ayaa xariga ka jaray Mashaariic ay dowlada Turkiya ka fulisay magaalada Muqdisho waxaana ka mid ah Mashaariicda uu xariga ka jaray Terminaal cusub ee garoonka Aden Cadde iyo Isbitaalka weyn ee Digfeer.

Madaxweynaha DFS iyo Madaxweynaha dalka Turkiya ayaa u mahad celiyey shirkada dayactirka ku sameysay Terminaal cusub ee garoonka Aden Cadde ee FAVOR taas oo maamusha Garoonka Diyaaradaha ee Aden Cadde.

Madaxweynaha dalka Turkiga Recep Tayyip Erdoğan ayaa sheegay inuu ku faraxsan yahay mashaariicda uu furay maanta oo ay dowladiisa fulisay.

Isbitaalka weyn ee Digfeer ayaa waxaa uu ka kooban yahay 200 oo sariir, si weyn-na loo casriyeeyay waxaana arrinkaas aad u soo dhaweeyey shacabka ku dhaqan magaalada Muqdisho iyo masuuliinta DFS .

no images were found

Madaxweyne Xasan Sheekh Maxamuud ayaa uga mahad-celiyay dhiggiisa dalka Turkiya Recep Tayyip Erdoğan oo booqashada uu ku yimid magaalada Muqdisho.

Madaxweynaha dalka Turkiga Recep Tayyip Erdoğan ayaa isla galabta ka dhoofay magaalada Muqdisho .

A/Cawale
Halgan.net