Gudigga Farsamadda Maamul Dhisidda G/dhexe oo shaaciyey inta badan liiska xildhibaanada

Cadaado:-Gudigga Farsamadda Maamul Dhisidda Gobollada dhexe ayaa maanta shaaciyey inta badan liiska xubnaha Baarlmaanka Dowlad Gobolleedka Galmudug.

Guddoomiyaha Gudigga Farsamadda Xaliimo Ismaaciil Ibraahim (Xaliimo Yareey) ayaa ku amaantay odayaasha dhaqanku sida hufnaanta iyo caddaaladda leh ee ay usoo xuleen xubnihi Baarlamaanka Dowlad Gobolleedka Galmudug.

Xaliimo Yareey ayaa tiri “aad iyo aad ayaan ugu mahadcelineynaa odayaasheenna dhaqanka, aad ayay u dadaaleen, waxaa ilaa hadda lasoo gudbiyay 60 xubnood oo soo buuxiyay shuruudihii dastuuriga ahaa ee lagaga baahnaa, waxaa harsan tiro aad u yar, oo aan odayaasha ka codsanay in ay kusoo gudbiyaan kama dambeys maalinta berri ah si ay uga qeyb galaan fadhiga ugu horreeya oo qabsoomi doona maalinta isniinta ah”

Ugu dameyntii, Guddoomiyaha Gudigga Xaliimo Yareey ayaa sheegtay maalinta Isniinta ah la qaban doono munaasabaddi dhaarinta iyo fariisinta Baarlmaanka si ay u guda galaan howlahii doorashooyinka.

Hoos ka Akhriso Liiska qaar ka mid ah Xildhibaanada Maamulka gobalada dhexe

no images were found