Puntland oo sii daysay Abwaan C/waaxid Cali Gamadiid.[Daawo Video]

July 10, 2015 - Written by Editor

Hargeysa:-Waxaa maanta soo gaaray magaalada Hargeysa Abwaan C/waaxid Cali Gamadiid iyo salaadiinti uu hogaaminayey Suldaan Muxammad Suldaan Cabdil qaadir ka dib dadaal dheer oo ay u galeen in Abwaanka Cabdiwaaxid laga soo daayo Puntland.

Abwaanka C/waaxid Cali Gamaadiid ayaa waxaa uu ku xirnaa mudo 6 bilood ah xabsiga weyn ee magaalada Boosaso ee xarunta Gobolka Bari ka dib markii ay ciidanka amniga Puntand ay qabteen iyagoo ku eedeeyey in uu yahay xubin ka tirsan Al-shabaab una tiray gabayo uu ku boorinayo.

Abwaanka Cabdiwaaxid Gamaadiid ayaa waxaa lagu xasuustaa gabayii uu ka tiriyey dhacdadii West-Gate ee Kenya isagoo amaan kula dul dhacay xubnihii Al-shabaab ee weerarkaas fuliyey halka culimada ficilka noocaas ka hortimidna uu ku sheegay kuwo fatwadoodu ay tahay mid doolar lagu bixiyo.

Abwaanka Cabdiwaaxid Cali Gamaadiid ayaa markii uu ka soo degay Madaarka cigaal international Airport wuxuu ka jeediyey gabay uu ugu mahadnoqayo beesha Majeerteen.

Hoos ka Dhagayso gabaygii Abwaanka Cabdiwaaxid Gamaadiid uu tiray markii uu soo gaaray Hargeysa