Faahfaahin Masjid Ku yaal magaalada Abhaa ee dalka Sacuudiga oo la qarxiyey (Daawo Masawiro)

Abhaa :-Wararka ka imaanaya dalka Sacuudi Carabiya gaar ahaan magaalada Abhaa ee Koonfurta dalka Sacuudi Carabiya ayaa sheegaya in qof isku qarxiyey Masjid ay lahaayeen ciidamada xaalada degdeg ah ee dalka Sacuudi carabiya waxaana ku dhintay qaraxa ilaa haatan 22 qof halka qaar kale ay dhaawacmeen.

Qaraxa ayaa waxaa uu dhacay xili lagu jiray salaada Duhurka.Dadka ku dhaawacmay qaraxa ayaa waxaa ay sheegtay wasaarada arimaha gudaha ee dalka Sacuudi Carabiya in ay ilaa haatan gaarayaan 9 qof laba qofna ay dhaawacoodu aad u daran yihiin.

Ururka Khawaarijta ee Daacish ayaa sheegtay weerarka lagu qaaday Masjid Ku yaal magaalada Abhaa ee dalka Sacuudiga warbaahinta la fikirk ah kooxda Daacish ayaa sheegay in ay qarxiyeen ciidamo Murtadiin ah bal daawo sida uu u burburay Masjidka Dhiiga daadsan iyo Musaaxifta Qu,aanka say u gubteen Alaha duleeyo Khawaarijta caadeysatay Qarxinta Masaajida Muslimiinta  iyo leynta Culumada Islaamka .

no images were found

C/Casiis Maxamed
Halgan.net