Saraakiil ka tirsan ciidanka S/land oo lagu toogtay magaalada Boorame

Boorame:-Wararka ka imaanaya magaalada Boorama ayaa sheegaya in saaka askari ka tirsan ciidanka S/land uu toogtay Taliyihii aagga galbeed ee milateriga S/land, Gaashaanle sare Xassan Caqli iyo Xiddigle Faarax Carraal.Gudoomiyaha gobolka Awdal Maxamuud Cali Saleebaan Ramaax oo la hadlay idaacadda ayaa BBC-da ay dhacdadaan foosha xun u xaqiijiyey.

Gudoomiyaha ayaa sheegay in gaashaanle sare Xassan Caqli uu qabo dhaawac helis ah, haatana lagu daaweynayo cisbitaal ku yaalla magaalada Boorama, halka Xiddigle Faarax Carraale uu goobta ku geeriyooday.

Gudoomiyaha gobolka Awdal Maxamuud Cali Saleebaan Ramaax waxa uu intaa ku daray in askariga toogtay saraakiishan oo ku sugnaa xerada milateriga ee magaalada Boorama ay ciidanku gacanta ku dhigeen haddana uu xiran yahay.

Dhacadaan ka dhacday degmada Boorame ee Gobolka Awal ayaa waxaa ay noqonaysaa dhacadadii afaraad oo Saraakiil ka tirsan ciiddanka S/land uu toogto askari ka tirsan ciidanka S/land.

M_M_Deeq
Halgan.net