Ciidamada DFS iyo kuwa Itoobiya oo la wareegay deegaanka Awdiinle ee gaobalka Baay

Baydhabo:-Ciidamada DFS  ayaa la wareegay gacan ku haynta deegaanka Awdiinle oo u jirta magaalada Baydhabo ee xarunta gobalka Baay 30 KM waxaana halkaas ka dhacay dagaal kooban sida uu warbaahinta u sheegay G/Sare Yuunis Aadan Xasan.

G/sare Yuunis Aadan Xasan ayaa sheegay in shalay dagaal kooban uu ka dhacay deegaanka Awdiinle wuxuuna ku goodiyey in ciidamaa DFS ay horey u sii socon doonaan

Dagaalka shalay ayaa waxaa ku dhintay ilaa 3 qof oo ka tirsan labada dhinac ee shalay ku dagaalamay deegaanka Awdiinle oo u jirta magaalada Baydhabo ee xarunta gobalka Baay 30 KM waxaana ku dhaawacmay tobaneeyo kale.

Ciidamada DFS ayaa waxaa kaabaya ciidamada Itoobiya ayaa ku sugan gudaha Awdiinle waxaana dad goobjoog ah ay sheegeen in ciidamada huwanta ay fariisimo ka sameysteen duleedka deegaanka Awdiinle.

Ciidamada Al-Shabaab ayaa baryahaan kordhiyey dagaalada gaadmada ah ay ku qaadayaan ciidamada DFS iyo kuwa Itoobiya oo ku sugan gobalada Bay iyo Bakool.

C/Casiis Maxamed
Halgan.net