Dagaal xalay ka dhacay degmada luuq ee Gobolka Gedo

Luuq:-Waxaa xalay ka dhacay degmada Luuq ee gobolka Gedo dagaal u dhexeeya ciidanka DFKM iyo kuwa ururka Al-shabaab , dagaalka ayaa waxaa uu qarxay ka dib markii ciidamo ka tiran ururka Alshabaab ay dagaal gaadmo ah ay ku soo qaadeen fariisamo ay ciidanka DFKM ku lahaayeen duleedka degmada Luuq.

Dagaalka xalay oo in mudo ah socday ayaa waxaa ka dhashay khasaaro soo kala gaaray 2-da ciidan ee uu dagaalku ku dhexmaray degmada Luuq ee Gobolka Gedo, 2-da dhinac ayaa waxaa ay isku adeegsadeen hubka fudud iyo kan culus dadweynaha ku nool degmada Luuq ayaa cabsi iyo welwel ka muujiyey dagaalka iyo colaad ka socota Gobolka Gedo.

Dagaalka xalay ayaa waxaa ku dhintay ilaa 10 askari waxaan ku dhaawacmay  in ka badan 5 askari oo ka tirsan 2-da ciidan ee uu dagaalku dhexmaray colaada ka socota Gobolka Gedo ayaa ku soo beegmaysa xili ciidamada dowladda Kenya iyo kuwa Itoobiya ay wadaan qorshe ay gacan ku siinayaan ciidamo Soomaali ah si ay u qabsadaan Gobolka Gedo iyo Gobollada jubooyinka oo ay ka taliyaan ururka Al-shabaab.

A/cawaale
Halgan.net