Gudoomiyihii xaafadda Israac ee magaalada Gaalkacyo oo caawa la dilay

Gaalkacyo:-Wararka caawa naga soo gaaraya magaalada Gaalkacyo ee xarunta gobalka Mudug ayaa sheegaya in kooxo hubaysan ay caawa ku dileen magaalada Gaalkacyo gudoomiyihii xaafadda Israac ee magaalada gaalkacyo  Cabdiraxmaan Maxamed Cabdulle salaadii cishe ka dib.

Laba nin uu ku hubeysan bastoolado  ayaa la sheegay inay dileen gudoomiyihii xaafada Israac ee waqooyiga magaalada Gaalkacyo ka dibna ay si sahlan u baxsadeen ,waxaa horey loogu khaarajiyey magaalada Gaalkacyo  gudoomiyihii hore ee xaafadda Israac Axmed Cilmi Cismaan “Gaatax” 22-kii bishii Agoosto ee 2011 .

Dilalka Qorsheysan ee lagu khaarijinayo Masuuliinta Puntland iyo haldoonka Puntland ayaa laga nastay ka dib dilkii alaha u naxariisto Sheekh Dr Ahmed xaaji C/raxmaan ka dib markii howgalo badan oo lagu sugayo amaanka laga sameeyey magaalooyinka Boosaaso iyo Gaalkacyo.

M_M Deeq
Halgan.net