Xildhibaan Mowliid Macaani oo ku geeriyooday magaalada Nairobi

Nairobi:-Xildhibaan Mowliid Macani ayaa saaka waabarigii ku geeriyooday magaalada Nairobi ee xarunta Kenya geerida Marxuum Mowliid Macaani waxaa warbaahinta u xaqiijiyey eheladiisa iyo Safiirka dowlada Soomaaliya u fadhiya dalka Kenya Max’ed Cali America

Marxuum Mowliid  Macaani ayaa waxaa uu ka mid ahaa raxan dhaawac ah oo shalay ay DFKM keentay isbitaal ku yaal dalka Kenya gaar ahaan magaalada Nairobi  waxuuna u geeriyooday dhaawac ka sooo gaaray qaraxii ka dhacay Tiyaatarka.

Xildhibaan Mowliid Macaani ayaa waxaa uu ka tirsanaa baarlamaanka DFKM in mudo ah waxaana uu soo qabtay xilal kala duwan isaga oo soo noqday  wasiirkii ciyaaraha ee xukuumaddii Ra’iisul-wasaare Pro.Cali Maxamed Geeddi .

Marxuun Mowliid Macaani ayaa waxaa lagu yaqaanay inta uusan ku soo biirin masraxa siyaasadeed in uu ahaa Garsoore  dhinaca ciyaaraha kubada cagta mudo aad u dheer.

A/Cawale
Halgan.net