Wafdi uu hogaaminayo wasiirka G/shiga oo u ambabaxay magaalada Baydhabo

Muqdisho:-Wafdi uu horkacayo wasiirka G/dhiga ee DFS Cabdi xakiin Xaaji Maxamuud Fiqi ayaa saaka u ambabaxay magaalada Baydhabo ee xarunta gobalka Bay waxaana socdaalkiisa ku weheliya masuuliin ka tirsan labada gole ee DFS iyo taliyaha ciidanka xooga dalka Soomaaliya

Wafdiga wasiirka G/dhiga DFS Cabdi xakiin Xaaji Maxamuud Fiqi ayaa waxaa kale oo socdaalkiisa ku weheliya wasiir ku xigeenka warfaafinta Ibraahim Isaaq Yarow  iyo xildhibaano ka soo jeeda Bay iyo Bakool.

Warar hoose oo heshay Halgan.net ayaa sheegaya in socdaalka wasiirka G/dhiga ee DFS uu ku tagayo Baydhabo uu salka ku hayo bixinta Mushaarooyinka ciidanka DFS waxaa sidoo kale wasiirka G/dhiga uu socdaal ku tagi doonaa sidoo kale Gobalada dhexe .

Wasiirka ayaa socdaal ku tagay bishii hore gobalka Gedo gaar ahaan magaalada Garbahaarey iyo Kismaayo isaga oo geeyey Mushaaraadka ciidanka DFS.

A/Cawale
Halgan.net