Dagaal xalay B/weyne ku dhexmaray Al-Shabaab iyo AMISOM

Hiiraan:-Wararka naga soo gaaraya magaalada B/weyne ee xarunta gobalka Hiiraan ayaa sheegay in xalay ciidamada Al-Shabaab ay dagaal kadis ah ku qaadeen ciidamo ka tirsan DFS iyo kuwa Jabuuti waxaana dagaalka ka dhashay khaaso leh dhimasho iyo dhaawac

Dagaalka ayaa waxaa uu ka dhacay xaafadda Howlwadaag ee galbeedka Beledweyne,waxaana dagaalka xaqiijiyey guulna ka sheegtay Taliyaha ciidamada lugta ee gobolka Hiraan ee DFS  Tawane Axmed .

Waxaa kale oo dagaalka ka hadlay Guddoomiye ku-xigeenka dhinaca ammaanka ee gobolka Hiiraan Axmed Cismaan Cabdalla (Axmed Inji) waxaana uu guul ka sheegtay dagaalkii xalay ka dhacay B/weyne isaga oo saxaafada u balan qaaday in uu soo bandhigi doono magacyada iyo maydadka Al-Shabaab.

Ilaa haatan ma jiraan cid ka madaxbanaan DFS oo xaqiijin karta guusha ay sheegteen Taliyaha ciidamada lugta ee gobolka Hiraan ee DFS  Tawane Axmed iyo Guddoomiye ku-xigeenka dhinaca ammaanka ee gobolka Hiiraan Axmed Cismaan Cabdalla (Axmed Inji).

Saraakiisha Ururka Al-Shabaab ayaa ilaa haatan ka hadal dagaalka xalay saq dhex ka dhacay xaafadda Howlwadaag ee galbeedka magaalada Beledweyne.

A/Cawale
Halgan.net