Khudbadihii Masaajidda Salaadaha Jimcaha gudaha dalka Soomaaliya iyo dibadiisa oo looga hadlay dilkii Sh C/qaadir Nuur

Garoowe:-Waxaa maanta Khudbadii Jimcaha ee inta badan Masaajidada Deegaanada Puntland iyo S/land looga hadlay dilkii foosha xumaa ee loo geystay Sheekh.C/qaadir Nuur Faarax Raximahulaah waxaaana looga duceeyey Sheekha iyada oo habaar lagu riday kooxda Al-shabaab ee soo maleegtay dilka Sh.C/qaadir Nuur Farax. Magaalooyinka waaweyn ee S/land iyo Puntland ayaa maanta waxay ahaayeen kuwa si xooggan looga hadlay Dhagarta iyo Shirqoolka kooxda Al-Shabaab waxaana ay culumada sidoo kale u duceeyeen culumadii iyo dhamaan dadkii ay laayeen kooxda Al-shabaab.

Waxaa kale oo laga bilaabay maanta masaajidka magaalooyinka waaweyn ee Puntland iyo S/land Qunuud waxaana uu socon doonaa qunuudkaas mudo bil ah . Waxaa sidaas si la mid ah maanta khudbadihii laga jeediyey dhamaan Maraakizta ay leeyihii Jaaliyadaha Soomaaliyeed ee wadamada Yurub, Afrika ,Mareykanka ,iyo Usturaaliya looga hadlay dilkii Sheekh C/qaadir Nuur Faarax .

Halgan.net
Boosaaso