Madaxweynaha Puntland oo tacsi u diray eheladii Suldaan Muuse Faarax Muuse (Dhageyso)

Garoowe:-Madaxweynaha Puntland Dr C/raxmaan Maxamed Faroole ayaa tacsi u diray eheladii uu ka dhashay Suldaan Muuse Faarax Muuse oo ka mid ahaa Isimada sida weyn looga qadariyo deegaanada Puntland waxaana uu ugu baaqay eheladii Suldaan Muuse Faarax Muuse iyo beesha uu ka soo jeedo in ay muujiyaan sabar iyo dulqaad.

Madaxweynaha Puntland ayaa sheegay in ay jiraan kooxo abaabulan oo dilal ka geystay deegaanada Puntland ka dibna isku dhufta beelaha wada dega Puntland wuxuuna ugu baaqay beesha Suldaan Muuse Faarax Muuse in ay ka foojignaadaan majarhabaaninta iyo wararka beenta ah ee suuqa lagu faafiyo qabiil hebal baa dilay iyo wixii la mid ah.

Madaxweynaha Puntland Dr.C/raxmaan Maxamed Faroole ayaa sheegay in ay socdaan howlgalo iyo baaritaan waxaana uu ugu baaqay ehelada Suldaan Muuse Faarax Muuse in laga war sugo ciidamada amaanka .

Madaxweynaha Puntland Dr.C/raxmaan Maxamed Faroole oo tacsi u diray ehelada Suldaan Muuse Faarax Muuse

M_M Deeq
Halgan.net
Isha maqalka SBC