Nabaddoon C/laahi Odowaa Barkhad oo lagu dilay deegaanka Ceel-Cali Mire

Galgaduud:-Wararka naga soo gaaraya Degmada Dhuusamareeb ee xarunta gobolka Galgaduud gaar ahaan deegaanka Ceel-Cali Mire oo 15 km ayaa sheegaya in laba dhalinyaro oo hubeysan ay saaka ku dileen mid ka mid ah Nabadoonada gobalka Galgaduud C/laahi  Odowaa Barkhad.

Labada Dhalinyaro ee dilay Nabadoon C/laahi Odowaa Barkhad ayaa goobta ka baxsaday ilaa haatan lama garanayo sababta loo dilay Meydka NabadoonC/laahi Odowaa Barkhad alaha u naxariistee  ayaa loo qaaday magaalada Dhuusamarreeb ee xarunta gobolka Galgaduud

Taliyaha Booliska ee degmada Dhuusamareeb Farxaan Macalin Cali ayaa sheegay in ay ciidamo u direen deegaanka Ceel-Cali Mire wuxuuna sheegay in wadaan baaritaano.

A/Cawale
Halgan.net