Ra’iisul wasaaraha dowllada Federaalka Soomaaliya Cabdi Faarax Shirdoon oo gaaray Beledweyne

Hiiraan:-Waxaa saaka gaaray magaalada Beledwen ee xarunta Gobolka Hiiraan Ra’iisul wasaaraha dowllada Federaalka Soomaaliya Cabdi Faarax Shirdoon iyo wafdi uu hogaaminayo, Wafdiga Ra’iisul wasaaraha ayaa waxaa ka mid ah wasiiro, saraakiil , Xilibaano iyo waxgarad kale oo ka soo jeeda Gobolka Hiiraan.

Wasiirada ku  weheliya  safarka Ra’iisul wasaaraha dowllada Federaalka Soomaaliya Cabdi Faarax Shirdoon ayaa waxaa ka mid ah  Wasiirka arrimaha gudaha Cabdikariim  Xuseen Guuleed , Wasiirka Gaashaandhiga  Cabdixakiim Fiqi , Wasiirka Wasaaradda Kheyraadka C/risaaq Cumar Maxamed , Wasiir kuxigeenka Wasaaradda Warfaafinta, Boostada iyo Isgaarsiinta iyo Gaadiidka C/shakuur Cali Mire, iyo Saraakiil sare oo ka tirsan DFS iyo AMISOM.

Ilaa hadda si rasmi ah loo shaacin u jeedadad safarka Ra’iisul wasaaraha dowllada Federaalka Soomaaliya Cabdi Faarax Shirdoon iyo gobollada uu uga sii gudbi doono Gobolka Hiiraan balse waxaa la hadal hayaa in Ra’iisul wasaaraha dowllada Federaalka Soomaaliya Cabdi Faarax Shirdoon iyo wafdigiisu ay safar ku gaari doonaaa Puntlland.

A/cawaale
Halgan.net