Sh Maxamuud Sh. Maxamed Shibli oo si weyn loogu soo dhaweeyay Jigjiga(Masawiro)

Jigjiga:-Sh.Maxamuud Sheekh Maxamed Shibli ayaa maanta duhurnimadii 11:07 AM waxaa uu ka soo degay Garoonka caalamiga ah ee Garaad Wiil waal ee Magaalada Jigjiga waxaana halkaa ku soo dhaweeyay Golaha arrimaha Islaamka ee Dowlad deegaanka Soomaalida Itoobiya ,iyo weliba xubno uu ka mid yahay Sheekh Ibraahim Xuseen “Ibraahim Dhere” Sheekh Xasan Maxamed Ibraahiim “Abuu Xasaan”, xubno ka socda Hey’ad da Al-sunna ,Ganacsato iyo xubno ka socday Dowladda.

no images were found

Sheekh Shible ayaa la dajiyay  Hotelka Khadar wuxuuna halkaa kulan kula qaatay ducaadda deegaanka qeybahooda kala duwan , iyagoo isku dhaafsadey wareysiyo ku saabsan xaaladda deegaanka.

Hey’adda Waxbarashada iyo arrimaha dacwada ee Al-sunna ayaa dadweynaha ku dhaqan magaalada Jigjiga u qaban qaabisay muxaarado ciwaankeedu ahaa dardaaranadii tobanka ahaa (الوصايا العشرة ), waxaana ay muxaadarada ka baxday caawa Masjidka Jaamaca Magaalada.

Dhamaan bulshada ku nool caasimada Deegaanka ee Jigjiga ayaa si weyn u soo dhaweeyay imaatinka Sheekh Shible iyaga oo sugaya in ay ka faa’iideysan doonan Muxaadaraadka iyo duruusta uu Sheekhu ka bixin doono guud ahaan Deegaanka.

Halgan.net