Suldaan Muuse Faarax Muuse oo loo yaqiin Muuso Onkod oo lagu dilay Boosaaso

Boosaaso:-Kooxo hubeysan oo aan heybtooda la aqoon ayaa maanta ku dilay gudaha magaalada Boosaaso mid ka mid  ah isimada Puntland ugu caansan waxaana magaciisa la yiraahdaa Suldaan Muuse Faarax Muuse oo loo yaqiin Muuso Onkod wuxuuna isim u ahaa beesha Muuse Saleebaan (Ugaar Saleebaan).

Alaha u naxariistee Isimka lagu dilay magaalada Boosaaso ee xarunta gobalka Bari  ayaa waxaa uu  ka mid ahaa Isimada  sidaweyn looga yaqaan degaanada Puntland gacan weyna ku lahaa aas aaskii Maamulka Puntland.

Kooxda dilka u geystay Suldaan Muuse Faarax Muuse oo loo yaqiin Muuso Onkod ayaa goobta ka baxsaday ilaa haatana lama yaqaan ujeedada ka danbeysa dilka Suldaan Muuse Faarax Muuse .Ciidamada amaanka ee magaalada Boosaaso ayaa soo gaaray goobta markiiba waxaana ay howlgalo ka bilaabeen xaafadaha ku dhow goobta uu dilku ka dhacay.

Magaalada Boosaaso ee xarunta gobalka Bari ayaa ka nastay in mudo ah dilalka qorsheysan ee loo geysan jiray waxgardka iyo dadka umada u ah indhaha .

M_M Deeq
Halgan.net