Taliyaha booliska suuqa Bakaaraha oo qarax ku dhaawacmay

Muqdisho:-War haatan naga soo gaaray magaalada Muqdisho gaar ahaan Suuqa Bakaaraha ayaa sheegaya in qarax Ismiidaamin ah uu ka dhacay gudaha Suuqa Bakaaraha waxaana ka dhashay khaasro leh dhimasho iyo dhaawac.

Qaraxa ayaa waxaa ku dhintay sida aan ku helnay warar hordhac ah qofkii Is qarxiyey waxaana ku dhaawacmay taliyaha booliska qeybta suuqa Bakaaraha oo lagu magacaabo Sokor ,qaraxa ayaa waxaa uu ka dhacay  agagaarka saldhigga booliska ee suuqa Bakaaraha ee magaalada Muqdisho.

Qaraxa ka dhacay galabta Suuqa Bakaaraha ayaa waxaa sidoo kale ku dhaawacmay labo qof oo dumar ah oo Shaah ku hor iibsada agagaarka saldhigga booliska ee suuqa Bakaaraha.

Taliyaha booliska qeybta suuqa Bakaaraha Sokor ayaa loola cararay xarumaha Caafimaadka si loo daweeyo .Ilaa haatan lama yaqaan inta uu gaarsiisan yahay dhaawaca  taliyaha booliska qeybta suuqa Bakaaraha Sokor.

Wixii Faahfaahin ah dib baan idiinka soo gudbin doonaa Inshalaah.

A/Cawale
Halgan.net