Madaxweynaha DFS oo galabta Shirjaraa,id ku qabtay xarunta Villa Soomaaliya (Dhageyso)

Muqdisho:-Madaxweynaha DFS  Xasan Sheekh Maxamuud ayaa galabta Shirjaraa,id ku qabtay xarunta Villa Soomaaliya isaga oo ka waramay xaalada dalka uu marayo iyo Hiigsiga 2016-ka.

Madaxweynaha DFS Xasan Sheekh Maxamuud ayaa waxaa uu ka waramay duruufaha kala duwan ay soo martay Soomaaliya iyo wixii u qabsoomay intii uu talada dalka uu  la wareegay isaga oo sheegay in horumar badan la gaaray balse ay wili wax badan ay dhiman yihiin .

Madaxweynaha DFS Xasan Sheekh Maxamuud ayaa sidoo kale ka hadalay Maamulada Federaalka ah ee KMG ah ee dalka laga hirgalinayo gaara ahaan Baydhabo iyo gobalada Dhexe wuxuuna sheegay in ay meel fiican marayaan .

Madaxweynaha DFS  ayaan soo hadalqaadin khilaafka ka dhex aloosan isaga iyo  Ra’iisal Wasaaraha DFS Cabdi weli Sh Axmed Maxamed kaas oo curyaamiyey ha,yadihii dowlada oo dhan.

Madaxweynaha DFS Xasan Sheekh Maxamuud ayaa sidoo kale ka hadlay in dowladiisa ay damacsan tahay in ay dhisto ciidan isku dhafan oo xoog leh kuwaas oo laga soo xulayo dhamaan degaanada dalka Soomaaliya.

Hoos ka Dhageyso Shirka Jaraa,id uu Madaxweynaha DFS Xasan Sheekh Maxamuud ku qabtay Villa Soomaaliya.

A/Cawale
Halgan.net