.gif)
Qarax ka dhacay agagaaraha maqaaxida Pizza Café ee magaalada Muqdisho.
November 16, 2014 - Written by Editor
Muqdisho:-Wararka ka imaanaya magaalada Muqdisho ayaa sheegay in Qarax weyn uu ka dhacay agagaaraha maqaaxida Pizza Café, ee ku dhow wadada Maka Al Mukarama ee Magaalada Muqdisho.
Qaraxa ayaa waxaa la sheegay in uu ka dhashay gaari Suzuki ah oo ay ka soo baxayaan warar kala duwan cida saarneyd warar qaar ayaa sheegaya in gaariga Suzuki ah uu saarnaa sarkaal ka tirsan ciidanka DFS oo magaciisa lagu soo gaabiyey Mukhtaar dheere.
Ciidamada Nabad Suggida iyo Booliska Gobolka Banaadir ayaa soo gaaray nawaaxiga goobtii uu qaraxu ka dhacay waxaana sidoo kale goobta soo gaaray gawaarida dabdamiska.
Afhayeenka ciidanka Amniga ayaa sheegay in ay faahfaahin doonaan qaraxa ka dhacay agagaaraha maqaaxida Pizza Café saacadaha soo socda
A/Cawale
Halgan.net
