Sh. Dr.C/weli Sh. Maxamed Xaaji.Yuusuf oo safar dacwadeed ku tegay Lieks.[Dhagayso]

Lieksa:-Waxa safar dacwadeed ku tegay magaalada Lieksa ee bariga dalka Finland 13-16. 11. 2014  Sh. Dr. C/weli Sh. Maxamed Xaaji.Yuusuf oo ah iimaamka iyo Khadiibka masjidka Al-huda ee magaalada helsinki wadanka Finland. Sh Dr. Cabdiweli ayaa waxaa uu muxaadaraad dhawr ah u jeediyay guud ahaan jaaliyadda muslimiinta ah gaar ahaan bulshada Soomaaliyeed ee  degan magaalooyinka Lieksa iyo Joensuu.

Sh  Dr. Cabdiweli ayaa waxaa soo dhaweeyay gudiga dacwada ee magaalada Lieksa mudadii sheekhu uu ku sugnaa magaalada Lieksa waxaa uu bulshada muslimiinta ah kula dardaarmay alle ka cabsiga, ilaalinta cibaadada, wanaag farista iyo xumaan reebista, in salaadda la ilaaliyo, in xalaasha la miirto xaaraantana laga fogaado.

Sh  Dr. Cabdiweli wuxu si gooniya ula kulmay gudida dacwada ee magaalada isaga oo kula dardaarmay in ay hawlaha dacwada dardar geliyaan kuna sabraan hawsha dacwadeed ee ay wadaan.

Hoos ka Dhagayso muxaadaro uu Sh Dr. Cabdiweli u jeediyey dhalinyarada

Halkaan ka Dhagayso Mp3

 Ismail Maxamed Cali
Lieksa,Finland