Wasiirka Amniga Puntland oo hortagay golaha Wakiilada Puntland (Dhageyso)

Garoowe:-Wasiirka Amniga Puntland Xasan Cismaan Maxamuud Alloore ayaa maanta hor tagay Xubnaha Golaha Wakiilada dowlada Puntland waxaana ay xildhibaanada weydiiyeen su.aalo kala duwan iyo waxqabadka wasaarada Amniga ee Puntland .

Kalfadhiga Golaha Baarlamaanka Puntland ayaa waxaa maanta goobjoog ahaa 45 xildhibaan  waxaana shirka gudoominayey Afhayeenka Baaralamaanka Puntland Saciid Xasan Shire iyo labadiisa ku xigeen.

Wasiirka Wasaaradda Amniga Puntland Xasan Cismaan Allore ayaa golaha wakiilada Puntland ka jeediyeyy khudbad uu ku soo bandhigayey waxqabdka  wasaaradiisa  isaga oo si guud uga hadlay Xaladaha Amaanka Puntland.

Wasiirka Amniga Maamulka Puntland Xasan Cismaan Allore ayaa sheegay in ay ku guuleysteen sugida amaanka gobalada Puntland wuxuuna si gaar ah u soo qaatay dhibaatada kooxda Al-Shabaab ay ka geysan jirtay Puntland una geysan jirtay haldoonka Puntland.

Xasan Cismaan Allore Wasiirka Amniga Puntland ayaa sidoo kale ka warbixiyey howlgalo ka socda gobalada Puntland kuwaas oo lagu xaqiijinayo amaanka isaga oo xusay in ciidanka ay gacanta ku dhigeen eedeysanayaan amaanka wax u dhimayey .

no images were found

Golaha Baarlamaanka Puntland ayaa sidoo kale wuxuu dhageystay Wasaarada Arimaha Gudaha iyo Cadaalada waxaana ay weydiiyaan su,aalo kala duwan .

Hoos ka Dhageyso Wasiirka Amniga ee Puntland Xasan Cismaan Allore

M_M Deeq
Halgan.net