.gif)
Weriye Cabdirisaaq Cali Cabdi Silver oo caawa lagu dilay magaalada Gaalkacyo
November 18, 2014 - Written by Editor
Gaalkacy:-Wararka ka imaanaya magaalada Gaalkacyo ee xarunta gobalka Mudug ayaa sheegaya in caawa lagu dilay magaalada Weriye Cabdirisaaq Cali Cabdi Silver oo ka tirsanaa Radio Daljir iyo Horn Cable TV.
Alaha u naxariisto Weriye Cabdirisaaq Cali Cabdi Silver ayaa waxaa toogtay labo nin oo biskoolado ku hubeysnaa wax yar ka dib markii uu salaadii cishe soo tukaday uuna ku siijeeday gurigiisa.
Ciidanka Amaanka ee magaalada Gaalkacyo ayaa soo gaaray goobta ka dib dilka wariye Silver .Weriye Cabdirisaaq Cali Cabdi Silver ayaa waxaa uu ifka kaga tagay laba wiil iyo hal xaas .
Ilaa haatan lama garanayo cida dishay Weriye Cabdirisaaq Cali Cabdi Silver balse waxaa loo badinayaa in ay dileen kooxda Al-Shabaab oo magaalada Gaalkacyo ku dilay Nabadoono,Ganacsato ,weriyaal, iyo dhaqaale ka tirsan dowlada hoose ee magaalada Gaalkacyo.
M_M Deeq
Halgan.net
