Xildhibaanada baarlamaanka DFS oo ku kala dareeray Xarunta Golaha shacabka (Dhageyso+Video)

Muqdisho:-Wararka naga soo gaaraya magaalada Muqdisho ayaa sheegaya in Gudoomiyaha Baarlamaanka iyo labadiisa kuxigeen ay hoolka shirarka xarunta Golaha shacabka isaga baxeen ka dib markii sawaxan iyo buuq is qabsadeen.

Xildhibaanada taageersan Raisulwasaaraha DFS ayaa markii uu damcay gudoomiyaha baarlamaanka DFS in uu furo shirka waxaa ay hal mar qaadeen heestii Soomaaliyee Toosow waxaana gudoonka shirka ku adkaatay in uu xakameeyo.
Gudoomiyaha baarlamaanka DFS Prof. Maxamed Osman Jawaari ayaa isku dayey in uu qanciyo xildhibaanada taageersan Raisulwasaarea Cabdi weli Sh Maxamed balse waa ay diideen iyaga ku dhawaaqayey erayo lid ku ah gudoonka.

Xildhibaanada taageersan Raisulwasaare Cabdi weli Sh Axmed Maxamed ayaa waxaa lagu sheegay in ay gaarayaan 115 xildhibaan  kuwaas oo go,aansaday in uusan socon mooshinka lagu ridayo xukuumada .

Ciidanka DFS iyo kuwa AMISOM ee sugayey amaanka ayaa indhaha ka eegayey buuq iyo sawaxanka ka socda gudaha golaha shacabka Soomaaliya .

Waa markii labaad oo ay ku guuleysteen xildhibaanada taageersan Raisulwasaare Cabdi weli in ay fashiliyaan in la qabto Kalfadhiga golaha shacabka DFS .

Hoos Ka Dhageyso Buuqa Xildhibaanada taageersan Raisulwasaare Cabdi Sh Axmed Maxamed

Hoos ka Daawo Buuqii Xildhibaanada DFS

A/Cawale
Halgan.net