Bam Gacmeed xalay lagu tuuray Saldhiga Bartamaha ee magaalada Boosaaso

Boosaaso:-Wararka aan saaka ka helayno magaalada Boosaaso ee xarunta gobalka Bari ayaa sheegaya in xalay Bam gacmeed lagu tuuray Saldhiga bartamaha ee magaalada Boosaaso waxaan halkaas ku dhaawacmay Laba qof.

Bamka xalay laga tuuray Saldhiga bartamaha ayaa waxaa ku dhaawacmay askari boolis ah iyo qof rayid ah oo wadada marayey .

Dhaawaca labada ruux ayaa ah mid sahlan waxaana la geeyey Isbitaalka guud ee magaalada  Boosaaso ee xarunta gobalka Bari.Saraakiisha amniga ee magaalada Boosaaso ayaan wali ka hadlin Bamka xalay lagu tuuray Saldhiga bartamaha.

Ilo wareed ku sugan magaaalada Boosaaso ayaa Halgan.net u sheegay in sidoo kale dad rayid ah maqaakhi fadhiya rasaas lagu furay waxaana ku dhaawacmay laba qof waxaann weerarka uu salka ku hayaa aano qabiil .

Ciidanka Amaanka ee Puntland ayaa howlgalo galay wajiga 3aad ka bilaabay buuraha Calmadow waxaana ay Al-Shabaab ka qabsadeen Saldhigyo dhowr ah iyaga oo sidoo kale gacanta ku dhigay Saraakiil ka tirsan Al-Shabaab kuwaas oo haatan loo soo gudbiyey magaalada Garoowe.

Wixii warar ah ee soo kordha kala soco Halgan.net
M_M Deeq
Boosaaso