Dagaalo khasaaro badan geystay oo weli ka socda deegaanka Deefow

Hiiraan:-Wararka naga soo gaaraya magaalada Beledweyne ee xarunta gobalka Hiiraan ayaa sheegay in xalay ay mar kale dagaalo ay dib uga soo cusboonaadeen deegaanka Deefow ee duleedka magaalada Beledweyne.

Dagaalkaan ayaa waxaa uu u dhexeeya labo beelood oo  walaalo ah oodwadaagna ah dagaalkuna wuxuu ka socdaa deegaanka Deefow wuxuuna geystay khasaaro leh dhimasho iyo dhaawac.

Wararkii ugu danbeeyey ee naga soo gaaray deegaanka Deefow ee duleedka magaalada Beledweyne ayaa sheegay in dagaaladii shalay iyo xalay ka dhacay deegaanka Deefow ay ku dhinteen 11 qof, tiro 20 ka badana wey ku dhaawacmeen.

Culimo’udnka, Odayaasha iyo Waxgaradka labada beeelood ayaa wada dadaal lagu joojinayo dagaalka fitanta ah ee ka dhex aloosan labada beelood ee walaalaha ah ee wada dega gobalka Hiiraan

A/Cawale
Halgan.net