.gif)
Faah faahin ka soo baxeysa Qaraxii Ismiidaminta ee ka dhacay Hotel SYL
January 22, 2015 - Written by Editor
Muqdisho:-Wararka naga soo gaaraya magaalada Muqdisho ayaa sheegaya in qarax uu ka dhacay afaafka hore ee Hotelka SYL ka dib markii ciidanka ilaalada ee Hotelka ay joojiyeen gaariga ay ku xirnaayeen walxaha qarxa.
Qarax gaari ayaa wuxuu ka dhacay afaafka hore ee Hotel SYL oo ay ku sugnaayeen wafdi ka socda dalka Turkiya kaas oo hordhac u ahaa wafdi uu hogaaminayo Madaxweynaha dalka Turkiya Recep Tayyip Erdogan .
Madaxweynaha Turkiga Recep Tayyip Erdogan ayaa lagu wadaa inuu maalinta berri oo Jimco ah uu booqasho ku soo gaaro magaalada Muqdisho.
Sarkaal u hadlay DFS ayaa sheegay in laba askari ay ku dhinteen wuxuuna intaas ku daray in wafdiga ka socda dalka Turkiya ay bad qabaan.
A/Cawale
Halgan.net
