Guddoomiyaha degmada Xamarweyne oo Canbaareeyey xariga loo geystay

Muqdisho:-Guddoomiyaha degmada Xamarweyne ee maamulka gobolka Banaadir C/qaadir Maxamed ayaa canbaareeyey xarig shalay loo gaystay isaga  iyo ku xigeenkiisa waxaana xariga u geystay ciidanka Nabadsugida ee DFS.

Guddoomiyaha degmada Xamarweyne ee maamulka gobolka Banaadir C/qaadir Maxamed ayaa ku tilmaamay xarigga loo geystay  mid sharci darro ah, wuxuuna  si gaar ah ugu mahad celiyey qaar ka mid ah masuuliinta  maamulka gobolka Banaadir kuwaas oo qeyb ka qaatay sii deyntiisa.

C/qaadir Maxamed Guddoomiyaha degmada Xamarweyne ayaa ciidanka DFS gaar ahaan ciidanka nabadsugida oo fulinaya amar ka soo baxay ku xigeenka xeer ilaaliyaha DFS Maxamed Xasan Nuur ayaa shalay xabsiga dhigay Guddoomiyaha degmada Xamarweyne  iyo ku xigeenkiisa.

Guddoomiyaha degmada Xamarweyne ee maamulka gobolka Banaadir C/qaadir Maxamed  iyo ku xigeenkiisa ayaa waxaa lagu eedeeyey in ay leexsadeen raashin gargaar ah .

A/Cawale
Halgan.net