Hay,adda gargaarka SAAD oo deeq lacag ah gudoonsiisay 8 iskaashato [Masawiro]
January 1, 2015 - Written by EditorJigjiga:-Hay,adda gargaarka iyo horumarinta ee deegaanka Soomalida Itoobiya ee marka magaceeda la soo gaabiyo loo yaqaan SAAD ayaa Aas’aastay sideed iskaashato oo ah kuwa kaydka iyo amaahda oo midiiba ay ka kooban tahay labaatan xubnood.
Iskaashatooyinkan ayaa laga aas-aasay saddex tuulo oo ka tirsan degmada xarshin oo kala ah (masle, baligubadle, masajidka, iyo magaalada xarshin) iyo sidoo kale afar goobood oo ka tirsan degmada jigjiga oo kala ah(cakaara, goojaarharre, yoosle, iyo celbaxay).
Iskaashatooyinkaas ayaa markii ugu horaysay la aas aasay bishii may 2014 ka islamarkana loo sameyay nidaam maamul oo ay ku kala socdaan.
Waxaana intaa wixii ka danbeeyay la siiyay tababaro gaagaaban oo ku saabsan sidii ay lacagahan wax soo saar ooga samayn lahaayeen iyaguna iskugu filnaan lahaayeen. ka hor intayna hay,adu taakulayntan soo gaadhsiinin ayaa waxay iskaashata walba iskeed u kaydsatay lacag dhan 20.000.
Hay’ada SAAD ayaa ugu dartay lacag taageero ah oo dhan 60.000 birr iskaashata walba oo ka tirsan iskaashatooyinkaas 8deeda ah iyadoo ay wakhti xaadirkan ay bilaabeen nidaamka kaydsiga iyo amaahda waxaana raja wayn laga qabaa inay iyagu iskood u kaydsadaan lacagahooga.
Waxayna sheegeen mar aan dareenkooda waydiinay aad u faraxsan yihiin xaaladooduna iminka ay meel wanaagsan marayso.
Alle baa mahad leh.
no images were found
Waxaa diyaariyey Hay.adda SAAD