Madaxweyne Gaas oo safar shaqo ugu baxay magaalada Boosaaso

Boosaaso:-Wararka naga soo gaaraya magaalada Garoowe ee caasimada dowladda Puntland ayaa sheegaya in Madaxweynaha Puntland Dr.C/weli Maxamed Cali Gaas uu maanta safar shaqo ugu baxay magaalada Boosaaso ee xarunta Gobolka Bari.

Safarka madaxweynaha ayaa waxaa uu u jeedkiisu yahay u kuurgelida dhismana ka socda garoonka diyaaradaha ee Bandirqaasim ee Boosaso, Madaxweynaha iyo wafdiga la socda ayaa diyaarada ay leeyihiin ciidanka badda ee Puntland ka soo qaaday garoonka diyaaradaha ee Garoowe isagoo u tegay garoonka diyaaradaha ee Boosaaso.

Madaxweyaha Puntland Dr.C/weli Maxamed Cali Gaas ayaa waxaa kale oo kulamo la qaadan doonaa maamulka gobolka iyo ka degmada ee Boosaaso iyo saraakiisha ciidanka amniga iyo  taliyaasha ciidanka ee Aaga Galgala iyagoo madaxweynaha siin doono warbixin ku aadan xaalada guud ee deegaanada ku xeerana Buuraha Calmadow oo dagaalo ay ku dhexmareen ciidamada Puntland iyo kooxda Al-shabaab.

Warka oo faahfaahsan dib ayaan idinkaga soo gudbin doonaa insha Allaahu

M_M_Deeq
Halgan.net