Sheekh Xassan Sheekh Xuseen oo xalay lagu dilay Baydhabo

Baydhabo:-Wararka ka imaanaya magaalada Baydhabo ee xarunta Gobolka Bay ayaa sheegay in xalay lagu dhex dilay Masjid ku yaalla xaafadda Berdaaale Sheekh Xassan Sheekh Xuseen oo loo yaqaano (Sooma-daare), oo ka mid ahaa culimada Gobolka Bay.

Qaabka loo dilay Sh.Xassan Sheekh Xuseen  ayaa waxaa ka soo baxaya warar kale duwan waxaa wararku sheegayaan in lagu dhex dilay gudaha Masjdkii uu ku tukanyey Salaadii cishe halka wararka kale ay sheegayaan in la dilay markii uu Masjidka ka soo baxay.

Weerarka lagu dilay Allaha u naxariistee Sheekh Xassan Sheekh Xuseen oo loo yaqaano (Sooma-daare), ayaa waxaa ku dhaawacmay labo qof oo uu ka mid yahay wiilkiisa iyadoo kooxihii dilka geystay ay goobta ka baxsadeen.

Dilka Sheekh Xassan Sheekh Xuseen oo loo yaqaano (Sooma-daare),ayaa ku soo beegmay xili usbuucii la soo dhaafay lagu dlay magaalada Baydhabo Sheekh Shariif Siid Cali (Siidi) oo ka mid ahaa culummada aadka looga yaqaan magaalada Baydhabo ee xarunta Gobolka Bay.

Ma jirto illaa hadda cid sheegatay in ay fulisay dilkii Allaha u naxariistee Sheekh Xasan Sheekh Xuseen oo loo yaqaano (Sooma-daare) balse culimada dariiqada ayaa ku eedeeyey in dilka ay ka danbeeyaan ururka Al-shabaab.

A/cawaale
Halgan.net