Wasiirka amniga ee Puntland oo sheegay in ay dileen 16 askari oo Al-Shabaab ah (Dhageyso)

Garoowe:-Wasiirka wasaarada amniga ee dowladda Puntland  Xasan Cismaan Alloore oo shir jaraa’id ku qabtay xafiiskiisa magaalada Garoowe maanta ayaa faahfaahin ka bixiyey  howlgalo ciidanka Puntland ay ka fuliyeen shalay deegaano ka tirsan buuraleyda Golis.

Xasan Cismaan Alloore Wasiirka amniga ee Puntland Wasaarada Amniga ee Puntland ayaa sheegay in ciidanka Puntland  in khasaaro u geysteen kooxda Al-Shabaab waxaana uu sheegay in ay ka dileen 16 askari oo ka tirsan Al-Shabaab ayna dhaawaceen 26  kale .

Ugu dambayntiina wasiirka amniga ee Puntland ayaa ku celiyey in Al-Shabaab ay taageero ka helaan ayna soo maraan magaalooyinka Ceerigaabo iyo Burco oo ay maamusho Maamulka S/land.

Wasiirka Amniga ee Puntland  Xasan Cismaan Aloore ayaa waxaa uu  baaq u direy shacabka Puntland wuxuuna ugu baaqay in ay garab istaagaan ciidanka Amniga ee Puntland wuxuuna Sheegay Al-Shabaab in ay isku si u leynayaan shacabka iyo ciidanka .

Hoos ka Dhageyso Shrka jaraa,id uu ku qabtay Wasiirka wasaarada amniga ee dowladda Puntland  Xasan Cismaan Alloore

M_M Deeq
Halgan.net