Wasiirka waxbarashada PL oo kormeeray Dugsiga Sare ee Al-waaxa ee Garoowe.[Masawiro]

Garowe:-Wasiirka Waxbarashada iyo Tacliinta Sare Dowladda Puntland Dr. Cali Xaaji Warsame ayaa maantay bilaabay booqashooyinkii uu ku tagijiray dugsiyada Magaalada Garowe. Wasiirka ayaa booqashooyin ku tagaya qaar kamida Dugsiyada Garowe , Dugsiyada uu booqashada ku tagayo Wasiirka ayaa isugu jiraan Dugsiyada Hoose/Dhexe iyo kuwa Sare.

Wasiirka ayaa saakay booqday Dugsiga Sare Al-waaxa waxaana ku soo dhaweeyey Maamulka, Macalimiinta iyo Ardayda dugsiga, Wasiirka ayaa ardayda kala hadlay Fagaaraha dugsiga wuxuuna Wasiirku Ardayda ku dhiirigaliyay inay sii wadaan Waxbarashadooda ayna yihiin Ubixii dalka iyo mustaqbalkii hoggaanka dalka.

Sidoo kale Wasiirka ayaa Ardayda ugu bishaareeyey in dowladda Puntland ay yeelatay Manhaj Waxbarasho oo dhamaystiran kaas oo wax weyn ka badali doona habka Waxbarashada Puntland, sidoo kale Wasiirka ayaa Ardayda ku dhiirigaliyay inay qaybtooda ka qaataan hormarinta Waxbarashada Puntland.

Boqoshooyinkaan uu Wasiirka Waxbarashada iyo Tacliinta Sare Puntland Cali Xaaji Warsame uu ku tagayo dugsiyada waxa ay ujeedkeedu tahay sidii dhallaanka waxbarashada ku guda jira loogu dhiirigalin lahaa siiwadashada Waxbarashadooda iyo sidii Ardayda loola wadaagi lahaa fikradahooda si looga faaiidaysto maskaxdooda.

Ma’ahan markii ugu horaysay ee uu Wasiirka Waxbarashada iyo Tacliinta Sare Dr: Cali Xaaji Warsame uu ku tago booqashooyin dugsiyada Puntland si uu ugu kuurgalo Waxbarashada Ardayda Puntland.

no images were found

Xafiiska Warfaafinta Wasaarada waxbarashada.
Garoowe,Somalia