Gudoomiye ku xigeenka gobalka Gedo Yuusuf Al-Qaadi oo qarax ku dhaawacmay

Gedo:-Wararka ka imaanaya Degmada  Baardheere ee gobolka Gedo ayaa sheegaya in uu ku dhaawacmay qarax guddoomiye ku xigeenka gobolka Gedo Sh Yuusuf Maxamed Al-Qaadi ka dib markii qarax loogu xiray gaarigiisa.

Gudoomiyaha degmada Baardheere ee gobolka Gedo Cadow Nuur Xasan ayaa warbaahinta u sheegay in dhaawac guddoomiye ku xigeenka gobolka Gedo Sh Yuusuf Maxamed Al-Qaadi uu yahay mid sahlan waxaa kale oo qaraxa ku dhaawcmay qaar ka mid ah ilaalada gudoomiye ku xigeenka kuwaas oo haatan lagu dabiibayo Degmada Baardheere.

Gudoomiyaha degmada Baardheere ee gobolka Gedo Cadow Nuur Xasan ayaa sheegay in ay wadaan baaritoono ayna soo qabteen dhowr qof oo looga shakisan yahay in ay ka tirsan yihiin kooxda Al-Shabaab.

Guddoomiye ku xigeenka gobolka Gedo Sh Yuusuf Maxamed Al-Qaadi ayaa waxaa uu ka mid yahay kooxda Suufiyada ee la baxday Ahlusuna ee Gedo wuxuuna mudo dheer dagaal adag kula jiray kooxda Al-Shabaab.

A/Cawale
Halgan.net